Mbrojtësi i Kombëtares, Berat Gjimshiti, ka pësuar një tjetër dëmtim gjatë ndeshjes me Udinezen, duke u detyruar të dalë nga fusha në minutën e 25-të pas një përplasjeje me Thauvin.
Dëmtimi i tij vjen në një moment delikat, pasi Shqipëria ka dy ndeshje të rëndësishme për Ligën e Kombeve ndaj Çekisë dhe Ukrainës. Ky është dëmtimi i tretë i Gjimshitit në muajt e fundit, pasi ai mungoi gjithashtu në shtator dhe tetor.
Aktualisht, nuk dihet ende shkalla e dëmtimit dhe nëse ai do të jetë në gjendje të luajë për Kombëtaren.
