Qeveria e Kosovës ka ndarë një pjesë të konsiderueshme të buxhetit për vitin 2025 për Ministrinë e Mbrojtjes, duke alokuar rreth 208 milionë euro.
Kjo shumë do të përdoret për investime kapitale dhe blerje armësh, si dhe për forcimin e infrastrukturës mbrojtëse të vendit. Buxheti i përgjithshëm për vitin 2025 është 3.6 miliardë euro, dhe ndarja për sektorë të ndryshëm përfshin gjithashtu shpenzime për arsim, bujqësi, shëndetësi dhe infrastrukturë.
Pjesa më e madhe e investimeve për infrastrukturë rrugore do të shkojë në projekte si zgjerimi i magjistrales Prishtinë-Mitrovicë dhe autostradave të tjera.
