Një oficer i lartë i policisë spanjolle, Oscar Sanchez Gil, është arrestuar së bashku me partneren e tij, gjithashtu police, pas zbardhjes së një operacioni të madh hetimor.
Gjatë bastisjes në shtëpinë e tij në Alcala de Henares, policia gjeti 20 milionë euro të fshehura në muret dhe tavanin e shtëpisë. Para të tjera, rreth 1 milion euro, u zbuluan në zyrën e tij.
Çifti akuzohet për trafik droge, pastrim parash dhe pjesëmarrje në një organizatë kriminale, pas kapjes së një sasi të madhe kokainë në portin e Algeciras, të fshehur në arkë banane.
