Lideri i opozitës Sali Berisha në tubimin ndaj mbështetësve të tij u bëri thirrje studentëve që të bashkohen në mosbindjen civile.
Berisha u premtoi atyre që me ardhjen në pushtet do të kenë tarifa më të larta, si dhe u kërkoi që ta bëjnë Shqipërinë më atraktive, tërheqëse dhe më të jetueshme.
“Studente dhe studentë, Shqipëria ka nevoja të shumta, por nevojë më absolute se çdo gjë tjetër ka për energjinë tuaj, për mençurinë tuaj, për mendjen tuaj, ka që ju të ndërtoni ëndërrën tuaj në Shqipëri, sepse Shqipëria e ëndërra tuaja, është Shqipëria ëndërr, Shqipëria më e bukur, Shqipëria e të ardhmes më të mirë për shqiptarët.
Në këtë kuadër ju garantoj se do të bëjmë gjithçka, jo të vendosim ligje që të punoni aq e kaq në Shqipëri, jo, por ta bëjmë Shqipërinë atraktive, tërheqëse, të jetueshme plotësisht, të besueshme plotësisht, krenare me ju dhe ju të krenoheni me të.
Ndaj dhe ju ftoj sonte të bashkohemi në mosbindje civile, nxënës, studentë, prindër për të shpëtuar sistemin e dijes, pa të cilin nuk ka të ardhme, por vetëm errësirë.
Të bashkohemi, është radha jonë, është radha jonë, është radha jonë.
Fitore, fitore, fitore!”, u shpreh Berisha.
