Ish kryetari i bashkisë së Kukësit Safet Gjici ka kërkuar lirimin nga buegu për shkak të gjendjes shëndetësore. Avokati i Gjicit ka thënë se vuan nga probleme të sistemit kardiovaskular, zmadhim të aortës dhe diabet të formës së rënduar.
Gjykata e Elbasanit ka caktuar disa detyra për ekspertët mjekoligjorë. Disa nga këto detyra janë:
- A vuan shtetasi Safet Gjici nga ndonjë sëmundje, nëse po, paraqisni, një historik të sëmundjes së tij nga koha e arrestimit të tij e deri në datën e kryerjes së ekzaminimit objektiv dhe cila është diagnoza?
-
Cilat janë patologjitë që konstatohen tek kërkuesi Safet Gjici?
-
A vuan kërkuesi nga diabeti dhe nëse po, cila eshtë shkalla e sëmundjes, pasojat e shkaktuara, terapia e ndjekur, a ka qënë efektive ajo dhe cili është mjekimi më i përshtatshëm që rekomandohet?
-
A ka shkaktuar diabeti insufiçencë të organeve jetësore?
-
A vuan kërkuesi Safet Gjici nga probleme kardio-vaskulare dhe nëse po cila ёshtë diagnoza?
-
A ka pasur përkeqësim të gjendjes shëndetësore të kërkuesit Safet Gjici gjatë qëndrimit në Institucionet e Ekzekutimit të Vendimeve Penale, nëse po, a ka marrë trajtimin e përshtatshëm?
-
A van nga ndonjë sëmundje veçanërisht e rëndë, shtetasi Safet Gjici?
-
A ka nevojë kërkuesi për trajtim të specializuar dhe nëse po, a e ofron Institucioni Mjekësor ku ai është akomoduar këtё trajtim?
-
Në momentin e kryerjes së ekzaminimit objektiv, cila është gjëndja shëndetësore e kërkuesit, a është e tillë, që përben rrezik për jetën e kërkuesit?
-
Nëse po, cila është terapia efektive e përshtatshme për eleminimin e këtij rreziku dhe a e mundëson Institucioni Mjekësor ku gjendet aktualisht?
-
A rrezikohet jeta e kërkuesit nëse qëndron i izoluar në Institucionin e Ekzekutimit të Vendimeve Penale?
Gjithashtu gjykata autorizoi ekspertët që të njihen me të gjitha aktet që janë pjesë e dosjes gjyqësore.
