Presidenti i Partisë së Lirisë Ilir Meta i cili ndodhe në burgun 313 tha se arrestimi i tij në prag të zgjedhjeve është politik dhe pa asnjë akuzë zyrtare. Në lidhje me refuzimin e ish bashkëshortes së tij Monika Kryemadhi për ta takuar në burg u shpreh se atij i intereson vetëm e vërteta.
“Qëndrimet e mia për çështje parimore janë të prera dhe pakompromis. Lidhur me përgjegjësitë ligjore ato janë individuale dhe jo kolektive apo të transferueshme. Qëndrimet e saj mediatike dhe ligjore janë pjesë e konceptit të mbrojtjes së saj për mbrojtjen dhe nuk më shërbejnë aspak mua. Ajo që më shërben dhe më duhet mua është e vërteta dhe ajo është me mua”, tha Meta në intervistën me emisionin Now në Euronews Albania.
