Një laborator kokainë është zbuluar në fshatin Qerekë të Fushë Krujës dhe një nga “kokat” kryesore të financimit dhe organizimit është Aldi Zonja. 37-vjeçari është djali i gazetarit Artur Zonja dhe këngëtares Afërdita Zonja.
Aldi Zonja kishte shkuar në Amerikën Latine me vizë turistike dhe më pas ishte bllokuar atje për shkak të pandemisë. Gjatë kohës së asaj kohe ai kishte krijuar njohje me trafikantë droge dhe kështu kanë ngritur skemën e mirëfilltë për të trafikuar lëndën narkotike.
37-vjeçari shfaqet në rrjetet sociale me një jetë luksoze dhe në këtë foto shihet në një jakuzi në një resort në breg të detit. Gjithashtu në fotot e tjera ai shihet me një tjetër trafikant të arrestuar, pjesë e grupit, Artion Çaushllari, si dhe nuk mungojnë fotot as nga skitë, makinat e shtrenjta, orat apo drekat e darkat.
Në këtë grupi kriminal janë përfshirë edhe Klajd Birce, Ismail Abdurramani, Baki Huqi dhe Endi Sejdini, ku ky i fundit është personi që kishte në pronësi ndërtesën ku u ngrit laboratori.
