Në Samitin e G20 që po zhvillohet në Rio de Janeiro, Brazili, Presidenti amerikan, Joe Biden, ka ribërë thirrjen për mbështetje të fuqishme ndaj Ukrainës.
“Ne duhet të punojmë për t’i dhënë fund konflikteve dhe krizave që po gërryejnë progresin për të përmirësuar sigurinë në mbarë botën”, tha Biden.
“Shtetet e Bashkuara mbështesin fuqimisht sovranitetin dhe integritetin territorial të Ukrainës. Të gjithë rreth kësaj tavoline, sipas mendimit tim, duhet gjithashtu”, u shpreh Biden.
Një ditë më parë, mediat amerikane raportuan se administrata e Biden ka miratuar përdorimin e raketave amerikane me rreze të gjatë veprimi nga Ukraina për të goditur objektiva në territorin rus.
