Një video e publikuar në TikTok ka shkaktuar indinjatë në Shqipëri, ku një adoleshent, i cili ka banim në SHBA, tallet me vrasjen e 14-vjeçarit në Tiranë. Në video, ai e quan viktimën “mirë ia bënë” dhe i referohet vrasësit si “gjuajtës”. Ky veprim i tij ka nxitur reagime të ashpra, duke bërë që ai të procedohet penalisht nga policia.
Pasi videos u bë virale, adoleshenti ka kërkuar falje për komentet e tij të papërgjegjshme. Ai ka shprehur keqardhje për fjalët e përdorura dhe ka kërkuar falje të gjithë shqiptarëve, si dhe familjes së viktimës.
“Kam bërë shumë gabim. I kërkoj falje djalit që ka nxjerrë foto. I kërkoj shumë falje familjes, u kërkoj falje të gjithëve, shokëve të atij, shoqeve të tij, ju kërkoj falje të gjithë shqiptarëve. Është gabimi im, më falni, më falni, më falni”, ka thënë i mituri për JOQ.
