Tre shqiptarë janë dënuar me burg pasi u kapën gjatë një bastisjeje në një mulli të pashfrytëzuar në Halifax, Britani, ku u zbulua një “fabrikë” kanabisi e sofistikuar. Policia përdori një dron për të zbuluar aktivitetin e paligjshëm, duke identifikuar tre meshkujt që po përpiqeshin të arratiseshin.
Ronaldo Pasha, 24 vjeç, u dënua me 3 vjet e nëntë muaj burg, ndërsa Elvis Shira, 33 vjeç, dhe Bledar Zeqo, 40 vjeç, të cilët nuk kishin asnjë dënim të mëparshëm, u dënuan me 45 muaj burg.
Në bastisje u gjetën mbi 2800 bimë kanabisi, të cilat mund të kishin prodhuar deri në 280 kg drogë me vlerë që varionte nga 2.4 deri në 2.8 milionë paund.
