Përfaqësuesi i lartë i BE-së për politikën e jashtme, Josep Borrell, ka reaguar pas lëshimit të urdhër-arrestit nga Gjykata Ndërkombëtare Penale për kryeministrin izraelit Benjamin Netanyahu, ish-ministrin e Mbrojtjes Yoav Galant dhe liderin ushtarak të Hamasit, Mohammed Deif.
“Ky nuk është një vendim politik. Është një vendim i gjykatës, i një gjykate ndërkombëtare të drejtësisë. Dhe vendimi i gjykatës duhet të respektohet dhe të zbatohet“, tha Borrell
Ai shtoi se të gjitha shtetet anëtare të Gjykatës Ndërkombëtare Penale janë të detyruara të zbatojnë këtë vendim.
Gjykata Ndërkombëtare Penale ka akuzuar këta individë për krime lufte dhe krime kundër njerëzimit në lidhje me ofensivën izraelite në Gazë dhe sulmin e 7 tetorit 2023. Borrell theksoi se vendimi është detyrues dhe i njëanshëm për shtetet anëtare të gjykatës, duke përfshirë të gjitha vendet e BE-së.
