Një trup i pajetë është gjetur në banesën e një personi rreth të 80-ve, në katin e 8-të të një pallati në lagjen 8 Shkurti, në Fier.
Komshinjtë kanë njoftuar policinë pasi i moshuari, i cili jetonte i vetëm, kishte humbur kontaktet me familjarët. Menjëherë pas alarmit, në vendngjarje kanë mbërritur uniformat blu dhe shërbimet zjarrfikëse.
I moshuari është gjetur pa shenja jete, ndërkohë që paraprakisht dyshohet se ka ndërruar jetë për shkaqe natyrale. Grupi hetimor po punon për zbardhjen e rrethanave të ngjarjes.
