Pirro Vengu ditën e sotme ka zhvilluar një takim në Pentagon, Washington D.C., me nënsekretaren e Mbrojtjes për politikat Amanda Dory. Në takim u diskutua për sigurinë dhe bashkëpunimin në fushën e mbrojtjes mes SHBA-ve dhe Shqipërisë në funskion të agjendës së NATO-s.
“Biseduam gjithashtu për financimin e huaj ushtarak nga pala amerikane, për një modernizim gjithëpërfshirës të kapaciteteve të mbrojtjes të Forcave tona të Armatosura, duke e ndërlidhur dhe me prioritetin e qeverisë shqiptare për rijetëzimin e industrisë tonë ushtarake”, tha Vengu.
Ai nënvizoi se Shqipëria qëndron e palëkundur në përmbushjen e objektivave të NATO-s, duke forcuar kapacitetet kombëtare dhe duke kontribuar në sigurinë euroatlantike, krah për krah Shteteve të Bashkuara të Amerikës.
