Ministri i Mjedisit, Planifikimit Hapësinor dhe Infrastrukturës, Liburn Aliu u shpreh sot se hekurudha që lidh Prishtinën me Durrësin është 130 kilometra. Aliu tha se 30 prej tyre janë në pjesën e Kosovës dhe kryesisht në terren të rrafshët. 100 kilometrat e tjera tha se janë në territorin e Shqipërisë, në territor malor.
“Hekurudha Durrës – Prishtinë duhet ta kemi parasysh se duhet të ndërtohet një hekurudhë e re, e jo rindërtim i hekurudhës së vjetër.
Hekurudha e re është 130 kilometra, nga këto kilometra, 100 prej tyre janë në Republikën e Shqipërisë, këto 100 kilometra atje janë në territor malor, me shumë tunele e ura, ndërsa në pjesën tonë janë në terren rrafshi.
Prandaj kur e kemi bërë marrëveshjen me Shqipërinë, ne jemi si palë e cila financon pjesën e vet, por nuk mundet me qenë lider i projektit”, tha ministri Aliu. /EO
