Zbardhen detaje të reja nga vrasja e Martin Canit. Grupi hetimor i ka marrë dëshmi 14-vjeçarit të plagosur që ndodhet në spitalin e Traumës në praninë e psikologes dhe familjarëve.
I plagosuri, shok i Martin Canit i cili mbeti i vrarë ka deklaruar se është goditur me thikë ai dhe shoku i tij nga dy bashkëmoshatarë, përveç autorit të arrestuar edhe nga një person tjetër shok i autorit, me iniciale G.B.
Sipas të plagosurit, autori ka pasur thikë më të madhe, ndërsa personi tjetër thikë më të vogël dhe të dy i kanë qëlluar. Të njëjtën dëshmi ka dhënë edhe babai i të plagosurit këtë të diel pasi është pyetur sërish nga policia pas deklaratave të tij në media.
Kjo ka bërë që grupi hetimor të vijojë sekuestrimin dhe kqyrjen e kamerave të sigurisë në të gjithë zonën nga e para. Tashmë po hetohet edhe pista që mund të kenë qëlluar dy persona. Deri tani vetem heshtje nga policia.
