Shqipëria, e njohur për peizazhet malore dhe qytetet historike, ofron një atmosferë magjike gjatë Krishtlindjeve, sipas një artikulli të botuar në revistën spanjolle “El Periódico”.
Edhe pse shumë turistë e kanë zbuluar gjatë verës, vendi ka një bukuri të veçantë në dimër, kur qytetet si Tirana, Gjirokastra dhe Korça zbukurohen me drita festive. Në veçanti, Tirana është epiqendra e festimeve, ndërsa Gjirokastra ofron një pamje magjepsëse të kalasë dhe rrugëve të kalldrëmta.
Për ata që kërkojnë një klimë më të butë, Riviera Shqiptare ofron një alternativë ideale. Shqipëria është një kombinim unik i natyrës, traditave dhe mikpritjes, duke e bërë një destinacion të paharrueshëm për Krishtlindje.
