Prishtina do t’i bashkohet Paradës së Shqiptarëve në Tiranë më 28 Nëntor për të festuar 112 vjetorin e pavarësisë së Shqipërisë. Kryebashkiaku Erion Veliaj njoftoi se Tirana do të mirëpresë miqtë nga Prishtina për këtë ngjarje simbolike.
Parada do të organizohet për të dytin vit radhazi nga Bashkia Tiranë dhe Unioni i Bashkive Shqiptare, në bashkëpunim me Shoqatën “Rrënjët Shqiptare”.
Nga Prishtina do të marrin pjesë rreth 200 artistë dhe performues, që do të sjellin energjinë e kryeqytetit të Kosovës në festimet e Tiranës.
