Komisioni i Burgjeve ka informuar Policinë e Tiranës pas mosbindjes së mjekut të spitalit privat, ku po mjekohet 14-vjeçari i dyshuar për vrasjen e Martin Canit. Mjeku, me inicialet D.T., ka refuzuar të dorëzojë epikrizën e të miturit, duke zvarritur procesin për disa ditë, përfshirë edhe ditën e djeshme dhe sot, kur komisioni i ngritur me urdhër të drejtorit të përgjithshëm të burgjeve e ka vizituar spitalin.
Mjeku ka detyrimin të dorëzojë epikrizën për të miturin, i cili është në ndjekje për vrasjen e Martin Canit dhe ndaj tij është vendosur masa e arrestit me burg. Komisioni i Burgjeve kërkon dorëzimin e dokumenteve mjekësore, të cilat janë të nevojshme për procedurat e mëtejshme ligjore.
