Partia në pushtet në Gjeorgji ka njoftuar ditën e sotme se do t’i pezullojë bisedimet për anëtarësim në Bashkim Evropian deri më 2028, duke refuzuar edhe grantet buxhetore nga Brukseli, raporton agjencia “Reuters”.
Mijëra protestues pro-BE si kundërpërgjigje bllokuan rrugët në kryeqytetin Tbilisi. Ndërsa presidentja Salome Zourabichvili ka thënë se Qeveria i ka shpallur “luftë” popullit me këtë lëvizje. Ndërkohë blloku qeverisës “Ëndrra Gjeorgjiane” ka akuzuar BE-në për “fyerje”.
“Si rezultat, ne kemi vendosur të mos e vendosim në rend të ditës çështjen e hapjes së negociatave me Bashkimin Evropian deri në fund të vitit 2028. Gjithashtu, ne refuzojmë çdo grant buxhetor nga Bashkimi Evropian deri në fund të vitit 2028”, tha blloku qeverisës.
