Forca të shtuara të Policisë së Kosovë dhe KFOR-it po monitorojnë nga afër situatën në Varagë të Zubin Potokut dhe përreth. Kryeministri i Kosovës, Albin Kurti ka thënë se në kohë rekord kanë skanuar në masë të madhe dëmin e shkaktuar në Ibër Lepenc.
“Punë e jashtëzakonshme dhe përgatitje e lartë e institucioneve tona të cilat në kohë rekord sanuan në masë të madhe dëmin e shkaktuar në Ibër Lepenc.
Çfarëdo sfide e tejkalojmë bashkë, e edhe ky sulm veçse shfaqi frymën e fuqishme të bashkëpunimit, kontributit e angazhimit të institucioneve tona”, ka pohuar ai.
Më herët Policia e Kosovës ka njoftuar se është duke u zhvilluar një aksion në disa shtëpi të fshatit Varage të Zubin Potokut, ku mbrëmë ka ndodhur një shpërthim në kanalin e ujit të Ibër-Lepencit.
