Një ngjarje e rëndë ka ndodhur në Shkup, ku një person është plagosur me armë zjarri. Rreth orës 18:20, në Stacionin Policor të Shkupit është raportuar se një i ri 28-vjeçar, i identifikuar si XH.H., ka mbërritur në Spitalin e Përgjithshëm të Qytetit “Shën Naum Ohri” me plagë të shkaktuara nga arma e zjarrit.
Sipas informacionit të shpërndarë nga autoritetet, sulmi ka ndodhur më herët gjatë ditës në rrugën “Krste Asenov” në Çair, kur dy persona kanë ndjekur viktimën dhe njëri prej tyre ka hapur zjarr, duke e plagosur atë në këmbë.
Hetimet për zbardhjen e rrethanave të këtij incidenti janë duke vazhduar dhe po merret çdo masë për sigurimin e informacionit të mëtejshëm.
