Kryeministri i Kosovës Albin Kurti zhvilloi në Bruksel takimin me Ndihmës Sekretarin për Çështjet Evropiane dhe Euroaziatike të Departamentit të Shtetit amerikan, James O’Brien. Në takim ata diskutuan për marrëdhëniet dypalëshe dhe zhvillimet aktuale me interes të përbashkët.
Kurti ndau detajet e sulmit që ndodhi me adtë 29 nëntor në kanalin e ujit Ibër-Lepenc, si dhe për reagimin e institucioneve shtetërore. Ai tha se ky sulm ishte mbi popullsinë civile, ku gjysma mbeti pa energji elektrike dhe ujë.
“Sulmi i 29 nëntorit, ishte sulm mbi popullsinë civile meqë përmes tij u rrezikua që më shumë se gjysma e popullatës së vendit të mbeten pa energji elektrike dhe pa ujë”, u shpreh Kurti.
