Agron Shehaj ka hapur sot partinë “Mundësia” dhe ka falenderuar të gjithë qytetarët që në vitin 2021 e votuan në këtë njësi si deputet.
Ai theksoi se problemet e demokracisë në Shqipëri janë para se të futet vota te kutia. Shehaj u shpreh se problemet e Shqipërisë burojnë nga parlamenti dhe zgjidhja po ashtu.
“Ne kemi rrogat në të ulëta në rajon, ne kemi çmimet më të larta në rajon, pensionet më të ulëta në rajon, investimet në shëndetësi më të ulëta në rajon, dhe të gjitha këto kanë një element të përbashkët. Të gjitha problemet e Shqipërisë burojnë nga ai Parlament dhe zgjidhja vjen nga ai Parlament, sepse kemi një mazhorancë të korruptuar”, tha Shehaj.
