Prokuroria e Posaçme ka reaguar zyrtarisht për herë të parë në lidhje me kontrollet që janë bërë mëngjesin e sotëm në shtëpinë e kryetarit të bashkisë së Tiranës, Erion Veliaj dhe zyrat e fondacionit ‘Harabel’ nën pronësi të bashkëshortes së tij, Ajola Xoxa.
Sipas SPAK, ka nisur një procedim penal dhe janë bërë veprimet hetimor në kuadër të kësaj çështje. Paraprakisht bazuar në informacionet në media, deri tani është sekuestruar telefoni i Ajola Xoxës.
“Prokuroria e Posaçme kundër Korrupsionit dhe Krimit të Organizuar informon se janë ndërmarrë disa veprime hetimore në kuadër të një procedimi penal. Duke qenë se hetimi ndodhet ende në fazën paraprake nuk mund të publikojmë të dhëna apo informacion të mëtejshëm në këtë moment” njofton SPAK-u.
SPAK kontrolle në bashkinë e Tiranës dhe te ‘Harabeli’ i Ajola Xoxës
