Policia e Tiranës dhe Shkodrës ka arrestuar 7 persona, të dyshuar për organizimin dhe zhvillimin e basteve sportive online, gjatë operacionit të koduar “Bad Spin 10”.
Në Tiranë janë arrestuar 4 shtetas: K. K., 34 vjeç, H. T., 33 vjeç, A. R., 31 vjeç, dhe L. L., 24 vjeç. Ata janë kapur pas një hetimi të intensifikuar, ku u zbuluan disa ambiente të përshtatshme për zhvillimin e basteve ilegale.
Po ashtu, në Shkodër, janë arrestuar 3 shtetas: V. Gj., 28 vjeç, D. D., 38 vjeç, dhe V. K., 44 vjeç. Gjatë kontrolleve në dy lokale të përshtatura për baste sportive, policia ka sekuestruar gjithashtu 10 aparate celulare që shërbenin për aktivitetin kriminal.
