Një 57-vjeçar është arrestuar nga policia në Tiranë, pasi ka ndërtuar një banesë pa leje në tarracën e një pallati në rrugën “Frederik Shiroka”.
Gjatë kontrollit të ushtruar nga shërbimet e Komisariatit të Policisë Nr. 2, është zbuluar se personi me iniciale S. S. kishte shfrytëzuar hapësirën e përbashkët të pallatit për të ngritur një objekt të ri.
Ai u arrestua në flagrancë për “Ndërtim të paligjshëm” dhe materialet e çështjes u kaluan në Prokurori për hetime të mëtejshme.
Ky rast vjen si pjesë e veprimeve të vazhdueshme të policisë për parandalimin e ndërtimit të paligjshëm në Tiranë.
