Një shpërthim ka ndodhur në një bllok banesash trekatëshe në Hagë, Holandë, rreth orës 06:15, duke shkaktuar shembjen e disa shtëpive në zonën Tarwekamp. Ekipet e shpëtimit janë ende në kërkim të rreth 20 personave, të cilët mendohet se ishin aty në momentin e shpërthimit.
Deri tani, 4 persona janë nxjerrë nga rrënojat dhe janë dërguar në spital. Banorët e lagjes thanë se dëgjuan një shpërthim të fuqishëm dhe më pas britma. Policia është duke hetuar shkaqet e shpërthimit dhe ka nisur kërkimin për një automjet që u largua shpejt pas incidentit.
Në vendngjarje janë dërguar ekipe të specializuara, përfshirë qen të trajnuar, për të kërkuar viktima.
