Kryeministri i Kosovës Albin Kurti në rrjetin e tij social në facebook ka shpruar se nga sulmi që ndodhi me 29 nëntor në kanalin Ibër-Lepenc janë sekuestruar armë, uniforma dhe pajisje të ndryshme, si dhe janë gjetur emblema ruse dhe serbe të strukturave të inetligjencës, ushtrisë dhe sigurisë.
“Ky zbulim shqetësues dëshmon për përfshirjen potenciale të grupeve ekstremiste dhe terroriste serbo-ruse, me lidhje të forta në Serbi, që kanë për qëllim destabilizimin e Kosovës dhe krijimin e një mjedisi të pasigurt në rajon”, shkruan Kurti.
Ai thekson se stabiliteti dhe paqja në Ballkan kërkojnë një reagim të unifikuar dhe vendimtar ndaj këtyre aksioneve terroriste dhe aktiviteteve destabilizuese që rrezikojnë sigurionë e përgjithshme dhe vlerave demokratike në rajon.
