Për ditën e Shtunë, vendi ynë do të ndikohet nga kushte atmosferike kryesisht të paqëndrueshme, megjithatë do të ketë edhe intervale me diell.
Në mëngjes dhe deri në orët e mesditës, pritet kalimi i masave ajrore të paqëndrueshme dhe të lagështa. Do të ketë vranësira mesatare deri të dendura dhe reshje shiu të herëpashershme me intensitet të ulët, ndonjëherë deri mesatar në formën e shtrëngatave. Në relievet malore, veçanërisht në Alpe dhe në zonat verilindore dhe juglindore mbi 900-1000 metra, do të ketë reshje dëbore me intensitet të ulët dhe lokalisht mesatar.
Pas orëve të mesditës, moti do të bëhet kryesisht i kthjellët me vranësira kalimtare.
Për fundjavën, na mbetet të theksojmë se moti do të jetë i paqëndrueshëm, me reshje dhe vranësira, dhe në zonat malore do të ketë reshje dëbore.
