Ambasadori i Bashkimit Evropian, Silvio Gonzato ka uruar për Ditën e Rinisë në Shqipëri. Gonzato shprehet se integrimi i Shqipërisë në Bashkimin Evropian varet nga përfshirja aktive dhe zërat e qytetarëve të ardhshëm.
Ai thotë që nëse doni që të shikoni Shqipërinë si pjesë e familjes evropiane bëjeni zërin që të dëgjohet dhe të kontribuoni përmes përkushtimit, edukimit dhe pjesëmarrjes aktive në shoqëri.
“Evropa është këtu për t’ju qëndruar pranë dhe do të vazhdojë t’ju mbështesë në realizimin e ëndrrave tuaja këtu në Shqipëri. BE-ja është e përkushtuar për krijimin e mundësive, forcimin e arsimit dhe ndërtimin e një shoqërie ku të rinjtë shqiptarë mund të lulëzojnë dhe të formojnë të ardhmen e ndritur që meritojnë”, theksoi Gonzato.
