Zëvendëskryeministri i Kosovës, Besnik Bislimi në një intervistë për Zërin e Amerikës ka thënë që institucionet e policisë kanë kërkuar bashkëpunim me segmente të caktuara ndërkombëtare lidhur me sulmin që ndodhi në kanalin e ujit në Zubin Potok.
“Institucionet e policisë kanë kërkuar bashkëpunim me segmente të caktuara ndërkombëtare, por duhet të kuptojmë edhe natyrën e krimit. Sulmi terrorist ka ndodhur në kanalin që sjell ujë. Do të thotë që edhe shpërthimi ka ndodhur aty dhe rrjedhimisht do të jetë e vështirë që në vendin e krimit të gjenden dëshmi të caktuara. Dëshmitë që ne kemi kanë të bëjnë me komunikimet që kanë ndodhur përpara sulmit dhe ndoshta pas saj, që pastaj kërkojnë një natyrë tjetër të forensikës”, tha Bislimi.
