E ngarkuara me punë e SHBA në Tiranë Nancy VanHorn mori pjesë në lançimin e projektit “Integrity Chronicles” të diplomuar në IVLP, të Irena Xhafa, së cilës iu bashkua edhe Ministrja për Anti-Korrupsion dhe Administratën Publike, Adea Pirdeni
Ajo shprehet se lufta kundër korrupsionit kërkon me të vërtetë një transformim në qasjen dhe mendësinë e dikujt. VanHorn theksoi se njerëzit kur mendojnë kundër korrupsionit mendojnë SPAK.
“Kjo tregon ndikimin që ka pasur SPAK, ndaj kjo është një gjë e mirë. Por mendoj se zoti Dumani do të ishte personi i parë që do të thoshte se SPAK nuk vepron i vetëm. Çdo sukses që ata kanë në hetimin dhe ndjekjen penale të rasteve është për shkak të të gjithë të tjerëve në peizazhin e drejtësisë”, tha ajo.
