Greqia ka pezulluar kërkesat për azil nga sirianët pas rënies së qeverisë së Bashar al-Assad. Ndërkohë edhe Gjermania dhe Austria ka pezulluar kërkesat për azil.
Gazeta greke “To Vima” raporton se shteti helen po përgatitet për ngrirjen e vendimeve të kërkesave për azil nga sirianët. Rreth 9000 aplikime për azil nga Siria ndodhen në pritje në Ministrinë e Migracionit dhe Azilit në Greqi, sipas medias helene.
Burimet e ministrisë për gazetën “To Vima”, janë shprehur se “ata nuk konsiderohen më refugjatë pas zhvillimeve”, ndaj dhe do të ndërmerren hapa të tilla për ngrirjen e kërkesave.
Ndërkohë shteti grek është në pritje të udhëzimeve nga Bashkimi Evropian lidhur me këtë çështje.
