Flet Nuredin Dumani. I penduari i drejtësisë në seancën e sotme të ballafaqimit në gjyq ka dëshmuar disa nga krimet e bujshme që kanë ndodhur në vend në vitet e fundit dhe që ende nuk janë zbardhur.
Në një nga episodet Dumani ka dëshmuar para gjykatës për grabitjet e kambistëve në Elbasan, Kavaje e Durrës me Talo Çelën, Ilirjan Feçin, Gentian Sharrën, dhe të tjerë.
“Tek grabitja në Kavajë, Talo i ra me levë në kokë kambistit, atij iu thye nofulla nuk fliste dot, morëm çantën u larguam, ndamë lekët diku tek 20 milionë.
Në 2012 Ardian Ozunit “çufit”, i shita një snajper. Henrik Hoxha më tregoi për atentatin ndaj Filip Gjeloshit që ishte paguar fillimisht 5 mijë euro nga Ardian Ozuni”, ka deklaruar Nuredin Dumani.
Të akuzuarit nga SPAK i janë kundërvënë bashkëpunëtorit të drejtësisë duke i ndërprerë dëshminë. Për këtë GJKKO ka ndërprerë seancën për disa minuta.
