Shtetet e Bashkuara, Turqia, Bashkimi Evropian dhe vendet arabe kanë nënshkruar një deklaratë të përbashkët, ku kërkojnë një proces paqeje të udhëhequr nga Siria dhe përkushtim për integritetin territorial të vendit.
Deklarata, e bërë pas një takimi në Jordani, thekson se Siria nuk duhet të shërbejë si strehë për grupe ekstremiste dhe kërkon rritjen e pranisë së OKB-së në vend, si dhe respektimin e të drejtave të njeriut, përfshirë të drejtat e grave dhe pakicave.
“Territori sirian nuk është kërcënim për asnjë vend, as strehë për terroristët”, thanë ata.
“Siria më në fund ka mundësinë t’i japë fund izolimit të dekadave ,” nënvizuan ata në deklaratë.
