Kryeministrja italiane, Giorgia Meloni, ka theksuar se qendrat e emigrantëve në Lezhë do të vazhdojnë të funksionojnë, duke shtuar se protokolli i nënshkruar me Shqipërinë është një hap i rëndësishëm për luftimin e trafikantëve.
Ajo u shpreh se, nëse qeveria italiane do të ndalonte këtë proces, kjo do të ishte në favor të grupeve kriminale. Meloni deklaroi se do të mbajë angazhimin për këtë nismë deri në fund të mandatit të saj.
“Qendrat do të funksionojnë, edhe nëse do të më duhet të kaloj çdo natë atje deri në fund të qeverisë italiane. Protokolli me Shqipërinë i frikëson trafikantët. Nëse ne ndalojmë, do jetë në favor të kriminelëve”, shprehet Meloni.
