Ushtarët amerikanë të caktuar në Komandën Rajonale Lindje të misionit të KFOR-it, të udhëhequr nga NATO, kanë realizuar patrullime rutinore të motorizuara dhe këmbësore në disa zona të veriut të Kosovës. Këto aktivitete janë pjesë e misionit të përditshëm të KFOR-it për të siguruar një mjedis të qetë dhe të sigurt për të gjitha komunitetet që jetojnë në Kosovë.
Njoftimi i KFOR-it thekson se këto patrullime janë në përputhje me mandatin e misionit për të garantuar lirinë e lëvizjes dhe sigurinë e gjithsecilit në rajon. Po ashtu, KFOR-i bashkëpunon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), për të siguruar rendin dhe paqen në territorin e Kosovës.
