Këtë të mërkurë Gjykata e Apelit në Tiranë ka lënë në fuqi dënimin me 16 vite burg për Mario Përlleshajn pasi ky i fundit vrau me thikë bashkëmoshatarin e tij Martin Canin.
Ndërkohë në një pronocim për mediat pas përfundimit të seancës, babai i Martin Canit, është shprehur se nuk janë të kënaqur me dënimin e autorit, pasi pretendonin më shumë.
“Kjo që na ka ndodhur ne mos t’i ndodhë askujt. Dhimbja jonë është shumë e madhe. Ligjet janë ligje, por ne pretendonim një dënim më të madh. Dënimi është për 2 vepra penale. Një i ri mund të vrasë 50 persona sot me një bombë, dhe dënohet 12 vite burg. Siç e dini dhe ju janë 2 rrethana cilësuese. Falë Zotit që nuk ka pasur fëmijë të tjerë aty. Sa i përket autorit, Luisi ishte i vdekur, ndërkohë që Martinin e vrau me thikë në zemër. Dhimbja jonë është shumë e madhe”, tha ai.
