Një 56-vjeçar i denoncuar i zhdukur nga familjarët që nga data 30 nëntor është gjetur i pajetë. Trupi i pajetë i 56-vjeçarit Edmond Veseli banor i lagjes nr.2 në qytetin e Krujës është gjetur i pajetë nga çobanët në vendin e quajtur Bruz Shkallë në afërsi të fushave të mejdanit. Nga të dhënat e para dyshohet se Veseli ka ndërruar jetë si pasojë e një arresti kardiak, por do jete ekspertiza ajo që do të përcaktojë shkakun e vdekjes.
Ai ishte parë për herë të fundit më 30 nëntor rreth 14:30, në afërsi të gjimnazit të Krujës. Edmond, ose siç njihet ndryshe “Edi i Derexhikut”. Sipas familjes, 56-vjeçari nuk ka pasur probleme me shëndetin mendor dhe nuk ka pasur konflikte me askënd.
Në ditën e fundit kur është parë ai ishte i veshur me një xhup ngjyrë blu dhe pantallona ngjyrë bezhë.
