Në Korçë, vijojnë hetimet për identifikimin dhe kapjen e autorit të dyshuar të tentativës për vjedhje në një bankë të nivelit të dytë. Ngjarja ndodhi më 21 dhjetor në lagjen nr. 3 të qytetit, ku një person tentoi të vidhnte një bankë, por pasi aktivizoi alarmi i sigurisë, iku nga vendi i ngjarjes.
Sipas të dhënave nga kamerat e sigurisë, i dyshuari goditi me këmbë derën e bankës dhe më pas, pasi hyri brenda, përdori telefonin për të bërë foto. Ai nuk ishte i maskuar, por kishte vënë një kapelë në kokë. Hetuesit dyshojnë se ai mund të ketë qenë në gjendje të dehur, ndërkohë që kërkimet për të janë shtrirë në gjithë qarkun e Korçës.
