Një shpërthim tritoli ka ndodhur në katin e nëntë të një pallati në Tiranë. Sipas burimeve të policisë, dy janë pistat kryesore ajo e vendosjes së tritolit nga brenda pallatit ose nëpërmjet një droni. Gjithashtu nuk përjashtohet mundësia e inskenimit sepse sasia e tritolit e përdorur ishte shumë e vogël.
Pasi është dëgjuar një zhurmë si shpërthim në rugën “Sadik Petrela”, menjëherë ka shkuar policia e cila ka hapur me forcë derën pasi nuk kishte njeri në banesë. Policia ka vënë re se janë dëmtuar xhami dhe vetrata e ballkonit, që dyshohet se janë dëmtuar nga lëndë plasëse.
Banesa është në pronësi të Albert Thoma i cili e ka lëshuar me qera për Elena Arrza e cila nuk është gjetur në banesë dhe nuk është marrë ende ne pyetje nga policia.
