Nis mosbindja civile e opozitës. Bllokohen pesë pika në Tiranë.
Akset e bllokuara janë “Unaza e Vogël”, “rrethrrotullimi te Zogu i Zi”, ura afër xhamisë në Rrugën e Elbasanit, sheshi “Willson” dhe rruga nga “Pallati me Shigjeta” drejt “Rrugës së Kavajës”.
Deputeti Oerd Bylykbashi ka pasur një përplasje verbale me policinë, e cila kërkoi hapjen e rrugës.
“Ne jemi sot në ushtrimin e së drejtës tonë kushtetuese për të protestuar. Është njoftuar dhe policia e shtetit. Policia ka detyrën të njoftojë cdo komandat që drejton cdo grup. Ne jemi në të drejtën tonë për të protestuar dhe nuk kemi bërë vepër penale.
Policia do veprojë dhe për drejtuesit të parët do bëhet kallëzim për shpërdorim detyre. Ne kemi detyrimin të njoftojmë policinë, kush bën veprim tjetër ne do ta kallëzojmë sepse po shkelet e drejta” tha ai.
Mbi 1400 efektivë policie janë në terren për të siguruar mbarëvajtjen e protestës së opozitës që ka nisur në orën 17:00.
