Seanca paraprake për deputetin demokrat Asllan Dogjani, i cili akuzohet për deklarim të rremë të pasurisë, është shtyrë për të dytën herë për shkak të paraqitjes së një raporti mjekësor.
Dogjani, i cili akuzohet nga SPAK për blerjen e një apartamenti në Tiranë me 121.980 euro cash, ka pretenduar se ka marrë pasurinë përmes konsulencave juridike, por hetimet e SPAK kanë zbuluar një kontratë që sugjeron fshehjen e burimeve të të ardhurave. Seanca është shtyrë për 10 janar 2025.
Akuzat e SPAK-së kanë të bëjnë me një ndryshim të kontratës fillestare të apartamentit në mënyrë të fiktive, për të fshehur mënyrën e pagesës. Dogjani ka qenë nën hetim për këtë çështje që prej një periudhe kohore, dhe ende nuk ka dhënë një deklaratë në lidhje me akuzat që e rëndojnë.
