Presidenti Bajram Begaj ka uruar besimtarët e krishterë për festën e Krishtlindjeve, duke theksuar rëndësinë e reflektimit mbi vlerat më të larta të njerëzimit. Në një postim në rrjetet sociale, Begaj uroi për Krishtlindje të gëzuara, shëndet, paqe dhe lumturi për të gjitha familjet shqiptare, brenda dhe jashtë vendit.
Ai theksoi se kjo ditë e shenjtë, që simbolizon lindjen e shpresës dhe paqes, është një mundësi për të reflektuar mbi vlera si dashuria, solidariteti, mirëkuptimi dhe falja. “Krishtlindja na fton të ndalemi për një çast dhe të reflektojmë mbi këto vlera”, tha presidenti Begaj në mesazhin e tij urues.
“Në këtë ditë të shenjtë të Kruishtlindjes dëshiroj të përcjell përshëndetjet dhe urimet më të përzemërta për ju dhe familjet tuaja.
Krishtlindja kjo festë e ndritur që simbolizon lindjen e shpresës dhe paqe, na fton të ndalemi për një çast e të reflektojmë mbi vlerat më të larta të njerëzimit: dashuria, solidariteti, mirëkuptimin dhe faljen.
Për të gjitha familjet shqiptare brenda dhe jashtë vendit uroj Krishtlindje të gëzuara, shëndet, paqe dhe lumturi”, thuhet mes të tjerash në mesazhin e presidentit.
