Kryeministri Edi Rama ka shpërndarë në rrjetet sociale pamje nga Lugina e Valbonës, e cila tani është mbuluar nga dëbora. Rama e ka cilësuar këtë peizazh si një “mrekulli të Alpeve”, duke theksuar bukurinë e parkut kombëtar, i cili është një atraksion turistik i njohur.
Valbona, që u shpall park kombëtar në vitin 1996, ka një sipërfaqe prej 8000 hektarësh dhe ndodhet në veriperëndim të qytetit të Bajram Currit, në rrethin e Tropojës. Tashmë, ky rajon është i njohur për vizitorët që kërkojnë të shijojnë natyrën e paprekur dhe bukuritë e Alpeve shqiptare.
