Prokuroria e Posaçme ka shtyrë edhe tre muaj hetimet për ish zv/ kryeministrin Arben Ahmetaj, i cili ndodhet në arrati që prej muajit korrik të vitit 2023.
I njëjti vendim është marrë edhe për familjarët e tij, bashkëjetuesen dhe ish bashkëshorten e ish ministrit të financave. Në mars SPAK sipas të gjitha gjasave do të çojë dosjen në gjyq, ku më pas do jetë gjykata ajo që do vendosë për kalimin ose jo të fashikujve për hetim.
Arbër Ahmetaj që ndodhet në kërkim ndërkombëtar akuzohet për kryerjen e tre veprave penale për “Pastrim parash”, “fshehje të pasurisë” dhe “korrupsion pasiv”. Ndaj tij ka hetim pasuror dhe janë vënë në sekuestro dy vila, disa apartamente dhe llogari bankare.
