Garda Civile Spanjolle ka arrestuar dy shqiptarë, 26 dhe 34 vjeç, të specializuar në vjedhjen e banesave në Komunitetin e Madridit.
“Agjentët e Gardës Civile , në të ashtuquajturin Operacioni “Habitat Boza”, kanë arrestuar dy persona të specializuar në kryerjen e krimeve të grabitjes me forcë brenda shtëpive të ndryshme në Komunitetin e Madriditz Operacioni ka nisur në fund të muajit tetor, kur pronarët e banesave kanë bërë denoncimet përkatëse, duke denoncuar vjedhjen e objekteve të ndryshme me vlerë nga brenda. Konkretisht, autorët e dyshuar hynë në shtëpitë e vendosura në Las Rozas, Galapagar, Alpedrete, Villaviciosa de Odón dhe kryeqytetin e Madridit ”, thuhet në deklaratë.
Dy shqiptarët kryenin 1 deri në 2 vjedhje në ditë dhe plaçkisnin sende të vlefshme që shiteshin lehtë si bizhuetri, orë si dhe para cash. Më 16 dhjetor shqiptarët u ndaluan në një zonë shërbimi ku po përgatiteshin që të largoheshin nga komuniteti i Madridit me garbitjet e fundit që kishin kryer.
