Policia kufitare ka bllokuar dy makina, BMW x6 dhe Range Rover, pasi rezultoi se ishin lëshuar urdhëra ndërkombëtarë nga Interpol Gjermania dhe Zvicra.
Në vendkalimin e Bozhajt, në hyrje të Malit të Zi, është kontrolluar një makinë tip Range Rover me drejtues shtetasin A.D, shqiptar. Kjo makinë ishte shpallur në kërkim nga Interpol Zvicra.
Ndërsa në vendkalimin kufitar Draçenovc, në hyrje të Malit të Zi, zyrtarët e policisë kufitare kanë kontrolluar një BMW x6 të drejtuar nga E.A, 27-vjeçari nga Serbia. Për këtë makinë është lëshuar urdhër ndërkombëtar i Interpolit nga Gjermania dhe është sekuestruar.
