Hungaria ka humbur zyrtarisht fonde të Bashkimit Evropian në vlerë prej 1 miliard eurosh, pas dyshimeve për korrupsion dhe shkelje të rregullave të prokurimit publik.
Ky vendim, i konfirmuar nga BE më 31 dhjetor, shënon herën e parë që një vend anëtar humbet fonde për shkak të këtyre akuzave. Procedurat për ngrirjen e fondeve kishin nisur që në vitin 2022, duke bllokuar 19.7 miliardë euro, ndërsa Hungaria nuk arriti të përmbushte kërkesat për transparencë dhe kontroll.
Kryeministri Viktor Orban është kritikuar për shkelje të standardeve demokratike, ndërkohë që ekonomia e vendit po përballet me vështirësi.
