Ish-ministrja e Jashtme, Meliza Haradinaj, ka kërkuar nga Perëndimi që të pranojë anëtarësimin e Kosovës në NATO sa më shpejt, duke theksuar se kjo është mënyra më e sigurt për të parandaluar rrezikun e përplasjeve të mundshme të shkaktuara nga ndikimi rus në Ballkan.
Ajo theksoi se kërcënimi i Rusisë në rajon është real, duke sjellë shembuj të aleancave të serbëve dhe rusëve, siç është rasti i mercenarit serb Bratislav Zhivkoviq, i cili ka luftuar së fundi në Ukrainë.
Haradinaj po ashtu theksoi se siguria e Kosovës varet shumë nga ndikimi rus përmes veprimeve të Zyrës Ndërlidhëse të Federatës Ruse në Prishtinë.
